鐵之狂傲
標題:
九樓鬼屋
[列印本頁]
作者:
＊米儀〞〃﹏
時間:
04-9-19 08:32
標題:
九樓鬼屋
住係舊區既唐樓。呢棟樓好多都係獨居老人，因為後生既都搬去有電梯既樓宇，懶得爬樓梯。
我住八樓，同阿婆一齊住。九樓係天棚，由細到大，阿婆都叫我唔好上去玩。不過有次實在太悶，所以我一個人上去玩。果時大約六、七點，我見到有個阿婆係度晾衫。我望住佢，好奇，但係個阿婆對腳根本睇得唔清楚。我企左一陣，唔知點解有d驚，就走左。夜晚我同阿婆講起呢件事，阿婆即刻鬧我，唔准我再去天棚。
到第二日，我放學返屋企，係樓梯望上去，又見到個阿婆既背影。我認得佢係天棚果個。但係因為日光日白，我覺得冇乜可能係果o野，所以我好大膽行上前，仲叫個阿婆借歪畀我行過去。唔知點解個阿婆拎轉頭，成塊面好灰，佢好細聲話：「細路，你趕住去死呀！」我冇理佢，就即刻走返屋企。
但係轉完一個彎又一個彎，走左差唔多有十七、八層樓都未見到自己間屋門口。?鶖玊琣n驚，想行返轉頭，又驚再遇到個阿婆。所以拚命走上樓，但係愈走愈唔對路。我定一定神，心入便唸聖母經，終於行o左一層，就見到自己間屋門口。我好驚咁拍門。我阿婆見到我成個樣青晒，問我咩事，我驚到唔敢答佢。
當晚我就即刻病，仲夢到個阿婆拍我屋企度門。我阿婆去開門，仲同佢話：「你唔使咁心急，實會同你一齊走。」呢個夢，我有唔吉祥預兆，我發o左成晚燒，第二晚就好返。
阿婆搵個人返o黎睇過間屋。師父話其實隻野係搵錯人。佢以前住o係我屋企，佢係想搵返自己個老伴，不過個老伴已經搬走o左，所以佢想搵替死鬼。我阿婆畀錢佢做o左場法事。
但係過o左半年，我運氣都唔係幾好。唔係跌傷就係有病要睇醫生。我阿婆過年時屋企打掃跌親，就送入院。第二晚佢同我講：「有人接我，你唔使擔心我。」第三晚佢就過左身。我阿媽話阿婆同我擋殺氣！之後我冇再o係呢間屋企住，搬返去同阿媽住。
歡迎光臨 鐵之狂傲 (https://gamez.com.tw/)