火燭鬼

＊米儀〞〃﹏

我成日睇到人話見鬼，到底佢地係咪真係見鬼呀？
佢地見到的係咪真係鬼呀？我就真係成日見到鬼，雖然我而家只有十六歲，
但係真係由細見鬼見到大。所以我覺得自己好有資格講鬼。
　我的屋企人每晚係六點鐘點香，每次阿媽叫我點香放在門口個地主時，
我一打開門，都會見到有個細路坐響樓梯度望住我。
有一日我忍唔住問佢：「你住在邊度？」佢就即刻走。
　後來有次我點完香之後返屋企，我係門縫睇返出便，竟然見佢拎住支香黎食。
我好驚，同阿媽講，阿媽請左個法師返屋企搞左一輪。不過之後我仍然見到。
但係佢就一直對我都好客氣，從來冇嚇過我，所以我對佢都唔會驚。
直到舊年，我全家搬屋，我先少見佢啦。